Monday, January 13, 2014

ប្រាសាទព្រះវិហារជារបស់យើង


ប្រាសាទស្ថិតលើកំពូលភ្នំ
ដងព្រៃជិតជុំនភាល័យ
ព្រហាមលាន់ឮសម្លេងរៃ
បំភ្លៃស្រែកច្រៀងសៀងវាចា។
ប្រាង្គព្រះវិហារជាកម្មសិទ្ធិ
របស់ខ្មែរពិតឥតមុសា
គេឯងបានដឹងពេញលោកា
ខេមរដូនតាអ្នកកសាង។
ប្រវត្តិបានកត់កំណត់ទុក
រហូតទៅមុខទុកភស្ដុតាង
ឡាអេស៊ីញ៉េជាសម្អាង
ប្រទេសជិតខាងកុំកាឡៃ។
គឺជាសម្បត្តិបេតិកភណ្ឌ
លក្ខណៈគ្រប់គ្រាន់កុំសង្ស័យ
យូណេស្កូបានឲ្យតម្លៃ
ធំធេងក្រាស់ក្រៃរាប់បញ្ចូល។
មានមោទនភាពកើតជាខ្មែរ
ត្រូវតែសាមគ្គីវង្សត្រកូល
ការពារមិនឲ្យសត្រូវចូល
ប្រមូលកាន់កាប់ប្រាសាទបាន។

No comments:

Post a Comment