Monday, December 9, 2013

ច្រមុះ

កាលនោះច្រមុះវាស្រដី
ប្រុសស្រីរស់ដោយសារអ្នកណា?
ដង្ហើមចេញចូលមូលសង្ខារ
គឺខ្ញុំនេះណាអ្នករ៉ាប់រង។

ក្លិនឆ្អេះឆ្អាបស្ងុយឈ្ងុយក្រអូប
ក្លិនថ្ពាល់រាល់រូបគ្រប់គ្នាផង
ខំស្រូបស្រង់ក្លិនមិនខានម្តង
ក្លិនមិនទំនងផងទាំងឡាយ។

នៅពេលដែលភ្នែកមើលមិនច្បាស់
គឺប្រាកដណាស់ខ្ញុំខ្វល់ខ្វាយ
អ្នកទ្រវ៉ែនតាទ្រុឌក្រហាយ
គ្មានសុខសប្បាយម្ដងណាឡើយ។


No comments:

Post a Comment