Monday, December 9, 2013

ភ្នែក


ភ្នែក ហត់នឿយណាស់រៀងរាល់ថ្ងៃ
ភ្នែក គ្មានសំចៃមួយពេលណា
ភ្នែក បើកសម្លឹងសព្វទស្សនា
ភ្នែក មានខ្លឹមសារក្នុងជីវិត។

ភ្នែក បានត្រឹមតែមិចម្ដងៗ
ភ្នែក មិនហ៊ានប៉ងនឹងធ្មេចជិត
ភ្នែក ត្រូវចាំដល់យប់ជ្រៅពិត
ភ្នែក ទើបងងិតបិទដេកទៅ។

ភ្នែក បើសិនគេមានរវល់
ភ្នែក ត្រូវអំពល់បើកនិត្យនៅ
ភ្នែក​ អត់ងងុយដល់យប់ជ្រៅ
ភ្នែក ជួនកាលទៅទ្រាំដល់ស្អែក។

ភ្នែក ពេលស្រវ៉ាំងមើលមិនច្បាស់
ភ្នែក ត្រូវបានម្ចាស់ត្អូញត្អែស្រែក
ភ្នែក! អញឥឡូវយ៉ាប់ចម្លែក
ភ្នែក ត្រូវគេចែកកែវពង្រីក។

No comments:

Post a Comment