Thursday, November 7, 2013

ស្រងេះស្រងោចស្រងល់ចិត្ត


កណ្ដោចកណ្ដែងកណ្ដាលដួងចិត្ត
អាណោចអាណិតអនាថពេកក្រៃ
ស្រងេះស្រងោចស្រងល់ដួងចៃ
ស្រមើស្រមៃស្រមុយជិតជាប់។

រវើរវាយរវីរវល់
អំពីអំពល់អំពើពុំគាប់
ស្រវេស្រវាស្រវាំងភ្នែកជាប់
គំនិតគំនាប់កំណួចតែថ្លៃ។

រសេះរសោះរសាប់រសាប់រសល់
ច្របូកច្របល់ច្របាច់ជើងដៃ
មមើមមាយមមីទាំងថ្ងៃ
អាឡោះអាល័យស្រណោះស្រណោក។

រំពៃរំពឹងរំពងសូរសៀង
សំណោកសំនៀងសំណាកទុក្ខសោក
លន្លង់លន្លោចលន្លឹមមិនក្រោក
សំណល់សំណោកសំណៅរងកម្ម។

No comments:

Post a Comment