Saturday, November 30, 2013

ល្ហុងឈ្មោល


ល្ហុងដំណាំខ្មែរ រាល់រដូវខែ ហូរហែដាំដុះ
អ្នកស្រុកចូលចិត្ត ក្មេងចាស់ស្រីប្រុស មិនមានទាស់ខុស
រសជាតិទុំខ្ចី។

រីពូជល្ហុងឈ្មោល ដើមដូចបង្គោល ឫសចូលចាក់ដី
ចេញផ្កាកញ្ចុំ ពុំបានផលអ្វី ផ្កាចាស់ផ្លាស់ថ្មី
ជ្រុះដីពុំសល់។

ចំណែកល្ហុងញី ផ្កាហើយក្ដឹបមីរ ពេញទីបានផល
ទន់ដើមចង់បាក់ ដាក់បង់បាញ់កល់ ចេញផ្លែគ្មានសល់
ផលគ្រប់វេលា។

ផ្កាត្នោតឈ្មោលវិញ អាចស្រក់បំពេញ បំពង់យោលយារ
ធ្វើទឹកជូរផ្អែម ក្លែមជួសស្រាបៀរ ល្ហុងឈ្មោលដូចជា
វាឥតប្រយោជន៍។


No comments:

Post a Comment