Thursday, November 7, 2013

ភ្លៀងលាក្ដាមខ្យង


ស្រទុំជុំទិសតាំងពីព្រឹក
ភ្លៀងធ្លាក់សន្ធឹមគគ្រឹកសូរ
ក្នុងលូសម្លេងឈូទឹកហូរ
លាយស្នួរផ្គរលាន់ខ្ជាន់មិនដាច់។

ចាស់ថារន្ទះវានឹងបាញ់
ចំក្បាលត្រីក្រាញ់ខ្លាញ់ពេញសាច់
ភ្លៀងលាក្ដាមខ្យងឆ្លងឆ្នាំផ្ដាច់
សម្រេចរដូចស្រូវវស្សា។

រួចពីនេះទៅនៅកក្ដិក
ធ្លាក់ខ្យល់រដឹកស្ពឹកហត្ថា
ប្រមូលផលរួចរាល់ហើយណា
ដណ្ដឹងគ្នាការផ្អើលពេញភូមិ។

ភូមិកាព្យ

No comments:

Post a Comment