Saturday, November 23, 2013

ស្អាតជានិច្ច


កូនចៅមិននៅផ្ទះ
បោសជម្រះខ្លួនឯងហើយ
បើខ្ជិលពុំស្អាតឡើយ
ស្មៅកន្ត្រើយសម្រាមដី។

ទុកដូចការហាត់ប្រាណ
វានឹងបាននូវសិរី
ទីធ្លាក៏នៅថ្មី
ជនប្រុសស្រីគេចូលចិត្ត។

បើមានសុខភាពល្អ
គឺបវររុងល្អវិសិដ្ឋ
រោគាមិនដាមដិត
គ្រួសារស្ថិតសុខមង្គល។

គុម្ពោធព្រៃងងិត
មិនបានគិតទុក្ខអំពល់
កើតមូសហើរវិលវល់
ខាំចុចជល់ដល់ជំងឺ។

No comments:

Post a Comment