Wednesday, October 9, 2013

បាត់ដំបង


សួរសុខទុក្ខផង អ្នកបាត់ដំបង តើដូចម្ដេចហើយ?
ទឹកលិចច្រើនថ្ងៃ ស្មុគ្រស្មាញពុំស្បើយ មិនធូរស្រាលឡើយ
គ្រប់ក្រុមគ្រួសារ។

ព្រឹកនេះបានស្ដាប់ ដែលបានរ៉ាយរ៉ាប់ តាមទូរស័ព្ទថា
ទឹកផ្ដើមសម្រក ស្រកចុះហើយណា សូមឲ្យធម្មតា
ឆាប់ៗផងទៅ។

ទាំងខេត្តដ៏ទៃ បន្ទាយមានជ័យ និងខេត្តជាប់នៅ
សូមទឹកហូរធ្លាក់ ចូលទន្លេជ្រៅ គោកទីលំនៅ
អារាមសាលា។

ប្រកបរបរ ការងារបន្ត សិស្សបានសិក្សា
ស្ថិតស្ថេរគង់វង់ ប្រព័ន្ធហេដ្ឋា- ស្រូវស្រែចម្ការ
បានរស់លាស់លូត។

No comments:

Post a Comment