Saturday, October 5, 2013

មិនចង់ (ពាក្យរៀល)

ឆ្អែតមិនចង់ឆ្អល់ ឆ្ងល់មិនចង់ដឹង ប្រឹងមិនចង់ឈប់
យប់មិនចង់ភ្លឺ ឮមិនចង់ស្ដាប់ ប្រាប់មិនចង់ស្ដី
ឆីមិនចង់ឆ្អែត ហេតុមិនចង់ផល សល់មិនចង់យក
រកមិនចង់ជួប គួបមិនចង់ផ្សំ ខំមិនចង់ប្រឹង
ខឹងមិនចង់ស្អប់ កប់មិនចង់ជ្រៅ ទៅមិនចង់ដល់
សល់មិនចង់ច្រើន កើនមិនចង់ទ្វេ ផ្ទេរមិនចង់អស់
បោះមិនចង់ចោល បោលមិនចង់លឿន
តឿនមិនចង់ឆាប់ ចាប់មិនចង់ជាប់ រាប់មិនចង់គ្រប់
ទប់មិនចង់នឹង ធ្មឹងមិនចង់ស្ងៀម បៀមមិនចង់លេប
ពេបមិនចង់យំ ឃុំមិនចង់លែង ជែងមិនចង់ឈ្នះ
លះមិនចង់បង់ ត្រង់មិនចង់ល្អ ក្រមិនចង់មាន
ឃ្លានមិនចង់ញ៉ាំ ដាំមិនចង់ឆ្អិន កិនមិនចង់ម៉ដ្ដ
ហត់មិនចង់ឈប់ គ្រប់មិនចង់គ្រាន់ ទន់មិនចង់ជ្រាយ
រាយមិនចង់ផ្ដុំ សុំមិនចង់បាន ខានមិនចង់ខក
កកមិនចង់រឹង ពឹងមិនចង់ជួយ ព្រួយមិនចង់ភ័យ.....

No comments:

Post a Comment