Tuesday, October 22, 2013

ផ្គាប់ចិត្តមិនត្រូវទេ..មនុស្ស



កម្ដៅក្ដៅគ្រាន់មិនទាន់ស្រាក
ព្រះសូរ្យបញ្ឆាកចាកបន្ត
សំដៅបស្ចឹមត្រឹមគោចរ
ពពកចាំងចែងស្ដែងរស្មី។

មេឃក្ដៅមួរម៉ៅខឹងទោសា
ម្ដេចក្ដៅម៉្លេះណាស្ទើរឆេះដី
មិនព្រមត្រជាក់បន្តិចវ៉ី
ម៉ោងបីជិតបួនចួននៅក្ដៅ។

កាលមេឃស្រទុំឃ្លុំងងិត
បាំងជិតបែបស្លុបម្លប់កម្ដៅ
បន្ទោសរអ៊ូមួរហ្មងសៅ
ថាហាលខោអាវនៅតែសើម។

No comments:

Post a Comment