Thursday, October 17, 2013

នឹងស្រកឆាប់


កម្ដៅក្ដៅខ្លាំង មេឃសឡើងចាំង ស្រវាំងនេត្រា
ស្ងប់ស្ងាត់ភ្លៀងផ្គរ លាន់ខ្ទរខ្សោតា ពពកស្រស់ថ្លា
មិនខ្មៅស្រអាប់។

បានរាំងយូរថ្ងៃ ជំនន់ក្រាស់ក្រៃ នឹងថមថយឆាប់
ផ្លូវលំជនបទ ស្ងួតលែងបែកល្បាប់ ពង្រាបបង្ហាប់
ចាប់ចរាចរ។

លំនៅសាលា អារាមវត្តវ៉ា រីងរឹងគោកល្អ
សិស្សបានចូលរៀន រាស្ត្រចាប់បន្ត ប្រកបរប
ចិញ្ចឹមជីវិត។

ជំនន់មិនទៀង ព្រោះតែព្យុះភ្លៀង យប់ថ្ងៃងងិត
ហូរស្រក់សស្រោក ជោកជាំជុំជិត គ្រោះធម្មជាតិពិត
កើតពីស្រុកគេ។

No comments:

Post a Comment