Monday, October 14, 2013

ននោង


ននោងចេញផ្លែតែមិនត្រង់
ក្ងិចក្ងក់ក្ងិងក្ងង់ចុងរាងក្ងុក
មិនទាស់ខុសអីបើស្លស្លុក
សម្លសម្លុកឆ្ងាញ់ពិសារ។

មានពេលទំនេរកុំបីខ្ជិល
ទោះដីរេចរិលត្រូវឧស្សាហ៍
ដាក់ស្លឹករុក្ខជាតិវាតក្រឡា
ដីរងចម្ការប្រែជីរជាតិ។

បើសិនមានដីចោលទំនេរ
សម្អាងទិញគេឬសុំញាតិ
ម្ដងជាពីរដងសុំមិនឃ្លាត
អ្នករស់ខាងបៀតមើលមាក់ងាយ។

ននោងត្រសក់ត្រឡាចល្ពៅ
ធ្វើរងអែបនៅកៀនជាប់ជាយ
របងតោងវល្លិ៍បាសពពាយ
ពង្រាយផ្កាផ្លែហែរដូវ។

No comments:

Post a Comment