Sunday, October 13, 2013

វិទ្យាល័ស្វាយរៀង


អគារមួយខ្នងរបងខាងជើង
វិទ្យាល័យយើងនាស្វាយរៀងក្រុង
សិក្សារៀនសូត្រកាលនាអំឡុង
ដែលស្ថិតនៅក្នុងដើមទសវត្សប៉ែត។

ពេលនេះចាកចេញអស់ជាងម្ភៃឆ្នាំ
ចិន្ដានៅចាំងរឿងរ៉ាវហេតុៗ
ព្រោះត្រូវឃ្លាតឆ្ងាយពីស្រុកខ័ណ្ឌខេត្ត
អណ្ដែតត្រសែតទៅទីដទៃ។

បន្ទប់ថ្នាក់<>គឺនៅខាងចុង
ក្បែរនោះកាលហ្នុងជាគុម្ពោតព្រៃ
សាយណ្ហទន់ទាបងងិតត្រឈៃ
លាន់ឮសត្វរៃបំភ្លៃសូរសៀង។

លោកគ្រូអ្នកគ្រូខ្លះចូលនិវត្តន៍
ខ្លះស្លាប់ប្រាសព្រាត់បន្ទាប់រៀងៗ
ធម្មជាតិអ្វីៗប្រែប្រួលមិនទៀង
ឱខេត្តស្វាយរៀងកណ្ដៀងត្រួយខ្ចី។

No comments:

Post a Comment