Wednesday, September 18, 2013

អង្រឹងមួយ...


អង្រឹងមួយពីរនាក់បញ្ជាក់ស្នេហ៍
អង្រឹងមួយថ្នមថែស្នេហ៍ភក្ដី
អង្រឹងមួយប្រលោមលួងលោមស្រី
អង្រឹងមួយរាត្រីចន្ទ្រភ្លឺថ្លា។

អង្រឹងមួយពីរនាក់ត្រជាក់ចិត្ត
អង្រឹងមួយកៀកកិតស្និទ្ធកាយា
អង្រឹងមួយផ្ដោះផ្ដងចងវាចា
អង្រឹងមួយស្នេហាថ្លាកន្លង។

អង្រឹងមួយពីរនាក់ឥតប្រួលប្រែ
អង្រឹងមួយលម្ហែអូននិងបង
អង្រឹងមួយវេញធ្លុងជាចំណង
អង្រឹងមួយអូនបងចងភ្ជាប់គ្នា។

No comments:

Post a Comment