Monday, September 23, 2013

ប្រេតបិណ្ឌ ៥


ចូលថ្ងៃប្រាំរោចរនោចបិណ្ឌភ្ជុំ
ពួកប្រេតតូចធំឈរយំសង្វេគ
ស្រែកទួញកើតទុក្ខទឹកមុខស្លាំងស្លេក
ហេវហត់ខ្លាំងពេកឃ្លានស្រេកអាហារ។

មិនឃើញញាតិមិត្តមកជិតខ្លួនសោះ
គួរឲ្យអាឡោះស្រណោះខ្លោចផ្សារ
សល់ដប់ថ្ងៃទៀតអស់ពេលហើយណា
យមបាលត្រូវការបញ្ជាកោះហៅ។

បើទោះជារស់នៅទីឯឆ្ងាយ
គប្បីខ្វល់ខ្វាយខ្លះផងកូនចៅ
ប្រគេនចង្ហាន់តម្រង់ឆ្ពោះដៅ
បានដល់ញាតិផៅក្រុមប្រេតនៃខ្លួន។

No comments:

Post a Comment