Tuesday, September 24, 2013

ទន់ទេរ...


សាយ័ណ្ហទន់ទេរ អាគកជាន់មេ ម្ចាស់ស្រែកជេរមាន់
មីញីទាកាប ក្រាបក្រោយបង្គន់ អាឈ្មោលឡើងជាន់
ដើរព័ន្ធជើងដួល។

សាយ័ណ្ហទន់ទេរ កូនគោបៅមេ រមៀលរមួល
ក្របីឈ្មោលញី ស៊ីស្មៅក្បែរទូល ជាន់កូនជ្រូកដួល
ជ្រួលរត់រងោក។

សាយ័ណ្ហទន់ទេរ ចាបហិចហើររេ ទុំលើទ្រើងឃ្លោក
ព្រាបសមួយហ្វូង ជិតអណ្ដូងលោក ចចឹកឆ្ងក់ឈ្ងោក
ខ្លះទុំលើកុដិ។

សាយ័ណ្ហទន់ទេរ ក្បែរមាត់ទន្លេ គេបេះពោតដុត
ក្មេងៗចាប់ត្រី មកគាបនិងត្បុត ភ្លើងរលត់ផុត
ឆ្អិនពោតទាំងត្រី។

សាយ័ណ្ហទន់ទេរ សម្លេងម៉ាញ៉េ រសៀលម៉ោងបី
អ្នកចាំចម្ការ ចាក់បទចេញថ្មី ខេមរៈសិរី
ជួយដោះចែញុំ។

សាយ័ណ្ហទន់ទេរ ងាកមុខបែររេ សម្លឹងទៅភ្នំ
ពពកខ្មៅស រសាត់ជិតជុំ ជាប់នឹងជើងភ្នំ
ព្រៃខៀវស្រងាត់។

No comments:

Post a Comment