Tuesday, September 24, 2013

ពេលសាយណ្ហ..


ថ្ងៃបាក់រសៀល ក្របីននៀល ដេកត្រាំក្នុងថ្លុក
គោទំពារអៀង ភ្នែកដៀងមើលកុក ឈរទុំច្រង៉ុក
លើខ្នងក្របី។

ថ្ងៃបាក់រសៀល មេឆ្កែពពាល ខាំពាំចំណី
ទៅពួនទំពារ ក្រោយគុម្ពឫស្សី កូនវាទាំងបី
រញ៉ីតាមបៅ។

ថ្ងៃបាក់រសៀល លើចុងឈើទាល ក្អែកបូលឡូវ
ទទាស្រែកយំ ក្បែរសត្វតាវ៉ៅ លើដើមស្រឡៅ
ធំខ្ពស់ស្រឡះ។

ថ្ងៃបាក់រសៀល កុកក្រកនិងក្រៀល ហើរលើអាកាស
មេឃចាំងពន្លឺ ពពកដេរដាស ល្ងាចនេះគឺច្បាស់
នឹងធ្លាក់ទឹកភ្លៀង។

No comments:

Post a Comment