Monday, September 23, 2013

ប្រេតអផ្សុក


ប៉ុន្មានថ្ងៃសោះ ដូចនឹអាឡោះ អាល័យពួកប្រេត
ដែលបានដោះលែង ទៅរកចម្អែត ស៊ីឲ្យបានឆ្អែត
នៅស្ថានកណ្ដាល។

ធ្លាប់តែរាល់ថ្ងៃ ទាត់ធាក់ចាក់វ៉ៃ តាមទោសធ្ងន់ស្រាល
វេលាទំនេរ ក៏ទេម្ដងម្កាល ចិត្តត្រកត្រអាល
ធ្វើទារុណកម្ម។

ភ្ជុំបិណ្ឌនិស្ស័យ កំណត់កត់ថ្ងៃ វេលាដប់ប្រាំ
ពួកប្រេតបានរួច ទុក្ខទោសទណ្ឌកម្ម ខ្ទះខ្លាញ់ធ្លាប់ត្រាំ
ក៏ត្រូវផ្អាកដែរ។

អផ្សុកមែនវ៉ី មិនដឹងធ្វើអី ចាំបើកប្រាក់ខែ
បបួលយមបាល មិត្តភក្តិនៅក្បែរ ទៅស៊ីសាច់ឆ្កែ
ឯផ្ទះយមរាជ។

No comments:

Post a Comment