Sunday, August 4, 2013

កូនទូក


ទូកតូចកំសត់អត់អ្នកអុំ
កាលមុនធ្លាប់ជិះពីរនាក់មុំ
ពេលថ្ងៃរៀបលិចឮមាត់ត្លុំ
ក្នុងទឹកបឹងម្ដុំជាប់វាលស្រែ។

ក្រសាលក្រសោបឱបលម្ហែ
ប្រឡែងប្រលោមឆោមមាសស្នេហ៍
វារីបុប្ផារាយបង្ហែ
នៅក្បែរហត្ថារៀមរ៉ាបង។

កូនទូកត្រសែតអណ្ដែតផង
តបទចម្រៀងច្រៀងឆ្លើយឆ្លង
ឡែបខាយពាក្យពេចន៍លេចផ្ដោះផ្ដង
អស់ក្ដីសៅហ្មងផងទាំងឡាយ។

ឮតែសំណើចសើចក្អាកក្អាយ
ប្រឡូកប្រឡែងលេងសប្បាយ
រីករាយក្នុងចិត្តខ្វល់ខ្វាយ
អស់ក្ដីនឿយណាយឆ្ងាយពីប្រាណ។

No comments:

Post a Comment