Tuesday, July 16, 2013

ស្រីជប៉ុន


ពោលពាក្យសួស្ដីស្រស់ស្រីប៉ប្រិម
ធ្មេញសស្មើត្រឹមញញឹមប្រិមប្រិយ
«ខុននិឈិវ៉ាក់» ឆ្លើយតបសម្ដី
រួចហើយឆ្លើយ «ហៃ, អារីកាតូ»។

ខ្ញុំមិនចេះស្ដាប់ត្រឹមធ្វើជើងដៃ
រញ៉េរញ៉ៃភាសាស៊ីញ៉ូ
ចេញកាយវិកាសញ្ញាផ្លាស់ប្ដូរ
ចិត្តចង់នៅប្រូជជែកចចារ។

តែគួរឲ្យស្ដាយនាងឈ្ងោកឱនក្បាល
ស្រដីស្រាលៗ «Sayonara»
ខ្ញុំដឹងថានាងចង់និយាយថា
លាសិនហើយណាសង្ហាបងអើយ។


No comments:

Post a Comment