Thursday, July 18, 2013

មន្តស្នេហ៍ហត្ថា


អាឡោះចុងដៃអាល័យក្លិនស្ងួន
ស្រណោះដងខ្លួនអង្រួនរកគ្នា
រាត្រីត្រជាក់ខ្យល់ធ្លាក់រងា
ពិដោរគន្ធានៅជាប់នាសា។

ស្រណោកស្រណោះអាឡោះក្លិនដៃ
ស្រមើស្រមៃគ្មានថ្ងៃមួយណា
អាចបំភ្លេចបានកល្យាណហត្ថា
ប្រហើរដូចផ្កាបុប្ផាម្អមស្រែ។

អាឡោះសាច់ដៃហ្មត់ខៃគ្មានហ្មង
រលើបរោមផងទំនងពេញស្នេហ៍
ចង់នៅក្រវែលអង្អែលលម្ហែ

ស្និទ្ធស្នាលស្នាមស្នេហ៍មិនប្រែដោះដៃ។

No comments:

Post a Comment