Tuesday, June 4, 2013

ដើមរកាដែក


រកាដែកអើយនៅឡើយបន្លា
តើមាននរណាដែលថារេចរឹល
ពាក្យពោលជាល្បែងសើចលេងឡើងគឹល
អ្នកខ្លះមន្ទិលរឹលបាក់កំបុត។

មិនទាន់សឹកទេកុំរេបំភ្លេច
នៅស្រួចជានិច្ចចង់គេចមិនផុត
ដើមទណ្ឌរកាបន្លាដែកសុទ្ធ
ជាទីបំផុតប្រាកដអ្នកបាប។

សូមកុំសាកល្បងប៉ងអកុសល
កម្មនឹងឲ្យផលដល់ឥតបន្សាប
ព្រះពុទ្ធសាសនាភាសាបុណ្យបាប
លិចលង់ឆេះឆាបតាមកម្មបានសាង។

No comments:

Post a Comment