Thursday, June 6, 2013

សត្វ ក ខ


ក ក្របីស្រុកស៊ីស្មៅខ្ចី              
ខ ខ្លាក្រញ៉ីហែកសត្វឈ្លូស
គ គោដោយមេឆ្លេឆ្លាស្ទុះ          
ឃ ឃ្មុំជម្រុះចេញលំអង។

ង ងាវដេកងាប់ជាប់ផ្ទាំងថ្ម        
ច ចាបចេញចរហើរត្រសង
ឆ ឆ្មាឡើងដេកលើរបង            
ជ ជីងចក់ផងទុំរនុក។

ឈ ឈ្លើងបឺតឈាមជាអាហារ 
ញ ញាស់កូនទាមួយសំបុក
ដ ដង្កូវដួងខួងជើងតុ                
ឋ ឋិតមិនសុខគង់មរណា។

ឌ ឌាកិនីស្រីបីសាច                 
ឍ ឍមរាស្ងាចហង្សបក្សា
ណ ណូរីសត្វរោមស្រស់ថ្លា      
ត តុកកែហាមាត់បូលឆ្លង។

ថ ថ្លាន់ខ្លួនថ្លោសស៊ីសាច់មាន់   
ទ ទាទ្រលន់ធាត់លឹបខ្នង
ធ ធ្មុងកញ្ចុះចុកកន្លង    
ន នាងចាក់ក្រងសូត្ររវៃ។

ប បង្គួយស្រុកមាត់ច្រវែប         
ផ ផ្សោតហែលហែបលេងលកលៃ
ព ពីងពាងពងពេញក្នុងផ្ទៃ
ភ ភេលកលៃចាប់មច្ឆា។

ម មៀមភ្នែកធំយំពេលយប់      
យ យីហ៊ឺឈ្ងុបឈ្ងុយអាហារ
រ រមាសសត្វស៊ីបន្លា                  
ល លាយាត្រាពើងអ៊ែនខ្នង។

វ វ៉ែបភាសាសត្វកង្កែប             
ស សង្កើចបែបក្លិនឆ្អេះហ្មង
ហ ហង្សហោះហើរដើរញ៉ែងញ៉ង
ឡ កន្តេះឡង់លោតខ្វាត់ខ្វែង។

អ អស់ប៉ុណ្ណេះស្លេះត្រឹមហ្នឹង    
ប្រឹងប្រែងរិះគិតរិតចំបែង
មិនងាយរកបានឲ្យជាក់ស្ដែង   
ត្រូវតាមកន្លែង ក ខ អ។

No comments:

Post a Comment