Monday, June 24, 2013

ដេកឱប.........


ដេកឱបត្រង់ហ្នឹងទន្ធឹងមើលផ្លូវ
ចាំច្រើនរដូវចាំពៅមកវិញ
អូនទៅរកស៊ីទីក្រុងភ្នំពេញ
នឹងត្រឡប់វិញជាក់ជាមិនខាន។

ដេកឱបយូរទៅឡើងក្ដៅឧណ្ហៗ
ផ្ដាសាយរកគ្រុនទោរទន់ទាំងប្រាណ
រហិតរហៃនឹកថ្លៃកល្យាណ
តើដល់ថ្មើម៉ានទើបបានជួបគ្នា។

ដេកឱបក្បាលពោះព្រោះរង់ចាំស្រី
ចាំច្រើនរាត្រីចាំថ្លៃពុំងា
បាត់ដំណឹងសូន្យឬអូនមានគ្នា
បានជាបំភ្លេចស្នេហាជនបទ។

ដេកឱបត្រង់នោះវាស្ទុះម្ដងៗ
ចង់មានបំណងតែបងអំណត់
អន្ទះអន្ទែងចំបែងប្រាកដ
ខ្លួនអើយកំសត់គេអត់អាសូរ។

No comments:

Post a Comment