Saturday, June 15, 2013

ភ្លៀងជិតភ្លឺ


ហ៊ីងយំទ្រហ៊ឹងក្រឡឹងផ្ទះ
ក្នុងថ្លុករង្វះឮច្បាស់សូរ
ហ៊ីងហងហ៊ីងហងឆ្លើយឆ្លងថ្ងូរ
ស្រែកផ្តោះផ្តងប្តូរស័ព្ទសូរសៀង។

ជន្លេនលូនឡើងបំប៉ើងដី
វារចេញរញ៉ីរកដីភ្លៀង
គ្រវីគ្រវាត់ព័ន្ធព័ទ្ធរាង
លូនលេងទឹកភ្លៀងកៀកកៀងគូ។

កណ្តូបចង្រិតរត់ត្រសុល
ផ្អើលអស់ទាំងខ្មុលខំឈ្មុលជួរ
លោតលេងប្រឡែង​ស្ញែងដៃគូ
យូរៗកង្កែបវ៉ែបឱបៗ។

No comments:

Post a Comment