Wednesday, May 8, 2013

ស្នេហា


សេចក្ដីស្នេហាមិនរើសវណ្ណៈ
ទ្រព្យធនបុណ្យស័ក្តិឋានៈជាតិសាសន៍
ជួបគ្នាយូរឆាប់ស្គាល់ច្បាស់មិនច្បាស់
គ្រាន់តែមកប៉ះស្មោះស្ម័គ្រជឿជាក់។

អាក្រក់ឬល្អខ្មៅសមិនគិត
ព្រោះមានគំនិតជាប់ស្និទ្ធជំពាក់
កាំបិតពូថៅកាំភ្លើងដែកផ្គាក់
ពុំអាចទប់ទាក់រាំងស្ទះបានឡើយ។

មិនរើសកន្លែងឬក៏វេលា
ពេលបានជួបគ្នាចិន្ដាធូរស្បើយ
រីករាយសប្បាយចិត្តកាយល្ហែល្ហើយ
ឥតខ្វល់ខ្វាយឡើយពីរឿងដទៃ។

ស្នេហាបាំងបិទងងិតនេត្រា
ទោសៈហិង្សាកើតទុក្ខរីងរៃ
ជួបជុំជឿបែកបាក់កលល្បិចលកលៃ
កើតទុក្ខទោសភ័យព្រោះក្ដីស្នេហា។

No comments:

Post a Comment