Tuesday, May 21, 2013

រសៀលចង់រសាយ!


រសៀលរសាប់រសេះរសោះ
រសៀលបាត់អស់កម្លោះក្រមុំ
រសៀលក្រោយភូមិគេអង្គុយផ្ដុំ
រសៀលរូបខ្ញុំចាំលបមើលលេង។

រសៀលគូស្នេហ៍រសេមរសាម
រសៀលដៃច្បាមវីវក់វង្វេង
រសៀលក្រោមម្លប់មាត់ទឹកថ្លាឈ្វេង
រសៀលលូកលេងទៅវិញទៅមក។

រសៀលឯងចាស់រសាប់រសល់
រសៀលចង់ឆ្អល់អារម្មណ៍នឹកភ្នក
រសៀលបើបានស្រស់កែវពន្លក
រសៀលមកជ្រកម្លប់ឈើពីរនាក់។

រសៀលប្រហែលមិនខុសពីក្មេង
រសៀលកឹបកេងកើយភ្លៅម្ដងម្នាក់
រសៀលដល់យប់ព្រលប់ត្រជាក់
រសៀលជឿជាក់គ្មានអ្នកណាដឹង។

No comments:

Post a Comment