Friday, May 10, 2013

ប្រុសៗគិត


យី!ពួកប្រុសៗពេលឃើញស្រី
ល្អស្រស់ប្រិមប្រីយ៍ដើរមកកាត់
នេត្រាក្រឡាប់ដៀងឆ្វៀលឆ្វាត់
ញញឹមស្ងៀមស្ងាត់មិនឈប់សោះ។

ក្នុងចិត្តគិតចេញផ្សេងៗគ្នា
«ឫកពាដំណើរដើរឥតខ្ចោះ
សាច់ថ្ពាល់រលីងរលោងស្រស់
សក្តិសមទាំងអស់តែម្ដងហើយ»។

«សក់វែងអន្លាយសាយគ្របស្មា
គឺមិនធម្មតាទេលោកអ្ហើយ
ខ្យល់នាំក្លិនប៉ះនាសាហើយ
ក្រអូបពុំស្បើយពិដោរស្រី»។

«ចិញ្ចើមងរខ្ទើតដូចសត្វខ្ទួយ
អូនឈ្មោះអាមួយឬអាម៉ី
តែបើតាមស្មានឈ្មោះលក្ស្មី
ហើយគឺជាស្រីឥណ្ឌាហ្មង»។

No comments:

Post a Comment