Friday, April 26, 2013

ក្តៅណាស់ក្តៅណាស់




ក្តៅណាស់ក្តៅណាស់ស្ទើរស្ទះដង្ហើម
កន្សែងជោគសើមដោយសារតែញើស
ក្តៅចង់ឆ្អិនសាច់ប្រកាច់ទែងទើស
គ្រាន់តែហូរញើសអស់ជាងដប់ផ្តិល។

ក្តៅណាស់ក្តៅណាស់ណាលោកម្ចាស់អ្ហើយ
ងូតទឹករួចហើយនៅហូររអិល
បើមានទឹកកកច្បាស់ជារត់ប្រិល
ដេកស្រាតសំដិលខ្ជិលងើបដើរចេញ។

ក្តៅណាស់ក្តៅណាស់ក្តៅពីរបីត
ក្តៅដូចក្នុងឡភ្លើងឆេះប្រិញៗ
ក្តៅម្នុស្សក្តៅសត្វរុក្ខជាតិងាប់ស្ញេញ
ម្នាក់ៗបញ្ចេញឃើញធ្មេញសស្ញាច។

ក្តៅណាស់ក្តៅណាស់ក្តៅចាស់ក្តៅក្មេង
ក្តៅមានហាងឆេងក្តៅគួរឲ្យខ្លាច
ក្មេងធន់ក្តៅឥឡូវស្រែកចាច
ដោយសារអំណាចអង់អាចកម្តៅ។

ក្តៅណាស់ក្តៅណាស់បងប្អូនប្រយ័ត្ន
ថែទ្រព្យសម្បត្តិប្រយ័ត្នសោកសៅ
ចូរកុំប្រហែសពេលចេញទៅក្រៅ
ក្រែងនាំហ្មងសៅភ្លើងអគ្គីភ័យ

No comments:

Post a Comment