Tuesday, March 26, 2013

ភ្ញាក់ឡើងកូនប្រុស



មកពីកូនឯងដេកទ្រមក់
ទើបពុកចងថ្ពក់នាឡិកា
កំណត់ម៉ោងរោទិ៍ជាប់សោតា
ភ្ញាក់ទៅសាលាឲ្យទាន់គេ។

យប់ឡើងម៉ោងដប់មិនទាន់គេង
រវល់រឿងលេងគ្មានទំនេរ
មើលតែរឿងភាគរបស់គេ
ហាមមិនស្ដាប់ទេតសម្ដី។

ល្មមភ្ញាក់ខ្លួនហើយណាកូនប្រុស
មើលពិន្ទុចុះត្រឹមពីរបី
គួរតែកូនខ្មាស់មិត្តប្រុសស្រី
កូនលេខសែបីគេលេខមួយ។

កូនត្រូវខិតខំប្រឹងរៀនសូត្រ
រហូតពុកម៉ែអស់ក្ដីព្រួយ
ឪចង់ឃើញកូនមានថ្ងៃមួយ
ក្លាយជាជំនួយជួយគ្រួសារ។

No comments:

Post a Comment