Sunday, March 24, 2013

ម៉ែគេ

ត្រូវការចំណីឆីចូលពោះ
បក្សីទើបញាស់ពោះទទេ
ហាមាត់រហង់រង់ចាំមេ
គ្មានអ្នកផ្សេងទេជួយមើលថែ។

កូនគ្មានម៉ែឪត្រូវអំណត់
រងការកំសត់ទុក្ខពុំល្ហែ
មិនដែលសុខសាន្តបានលម្ហែ
អ្នកផ្សេងមើលថែរេមិនទៀង។

ខិតខំតស៊ូប្ដូរកម្លាំង
ប្រយុទ្ធតតាំងបាំងព្យុះភ្លៀង
ប្រាថ្នាទៅមុខសុខមិនល្អៀង
ពង្វាងឲ្យអស់គ្រោះទុក្ខភ័យ។

កុំដូចកូនសត្វបាត់មេបា
អាហារក៏គ្មានខំលកលៃ
នេះគឺជីវិតពិតគ្មានន័យ
រំពៃរំពឹងតាមវាសនា។

No comments:

Post a Comment