Thursday, December 20, 2012

នាជនបទ


ព្រហាមថ្ងៃខ្ពស់កម្ពស់ចុងត្នោត
ដើរយួរត្រណោតចាប់ដោតត្រីស្រែ
ទឹករីងក្នុងស្រូវរដូវចុងខែ
ហិចហែលហូរហែរពណ៌ស្លែបិទបាំង។

ទាំងក្ដាមកង្កែបវ៉ែបៗក្រោមស្មៅ
ពួនជ្រកកម្ដៅខាងក្រៅក្ដៅខ្លាំង
ចាប់វាព្រលាត់រួចញាត់គ្រឿងអាំង
បេះផ្លែក្រសាំងកាប់ផាំងធ្វើម្ជូរ។

អង្គុយក្នុងខ្ទមក្រោមដើមក្រខុប
មែកសាខាស្លុបម្លប់ត្រជាក់គួរ
គ្នាពីរបីនាក់ជល់ចាក់ត្នោតជូរ

ផឹកក្លែមយូរៗកូរពោះក្រចៗ។

No comments:

Post a Comment