Wednesday, November 28, 2012

ចន្ទ្រអួត....


អកអំបុក


យប់នេះបូណ៌មីថ្ងៃដប់ប្រាំកើត
កក្កិតផុតខ្នើតអើតមូលក្រឡង់
តារានឹងរះត្រចះត្រចង់
ពន្លឺផូរផង់ថ្លាយង់រស្មី។

គ្រប់ខេត្តស្រុកឃុំប្រជុំជនក្រុង
រៀបចំបម្រុងអំបុកស្រូវថ្មី
ស្ករត្នោតអំពៅផ្លែល្ពៅដូងខ្ចី
ទៀនធូបបារីសម្ភីស្អិតស្អាង។

យប់ម៉ោងដប់ពីរពិធីចូលដល់
ដុតទៀនតម្កល់បន្ទាល់សម្អាង
ហោរាគន់គូរទៀនហូរតំណាង
បង្ហាញភស្ដុតាងមានភ្លៀងឬអត់?។

សូត្រនមស្ការព្រះរតនត្រ័យ
ងើយមុខលើកដៃស្រមៃប្រាកដ
ឆ្គោះដួងព្រះចន្ទ្រប្រកាន់សន្មត់
ធ្វើតាមបែបបទសុំសុខសប្បាយ។

រួចរាល់ពិធីវក់វីខ្ញៀវខ្ញារ
ស្រវេស្រវាប្រញឹកប្រញាយ
ចាប់យកអំបុកបញ្ចុកក្អាកក្អាយ
មិត្តភក្តិរាងអាយជិតឆ្ងាយគ្រប់គ្នា។

អ្នកខ្លះរាំរែកស្រែកហ៊ោរអឺងកង
រីករាយកន្លងក្នុងពេលសន្ធ្យា
ព្រះរាជពិធីនៃជនកម្ពុជា

ជូនពរជយាជារៀងដ៏រាប។

Friday, November 23, 2012

ស្រូវទុំ


ព្រឹកថ្ងៃស្តៅកម្តៅក្តៅតិចៗ
ស្លឹកឈើបក់រវិចតាមវាតា
បក្សីសត្វឆ្វែលឆ្វាត់លើរុក្ខា
ចឹកអាហារចំណីមានមិនខ្វះ។

វាលស្រែស្រូវគន់ទៅពណ៌មាសឆ្អិន
ប្រហើរក្លិនស្រូវថ្មីដីស្រែចាស់
កសិករទឹកមុខរីករាយណាស់
ច្រូតប្រវាស់ដៃគ្នាគ្រប់រដូវ។

ត្រដេវិចហិចហើរលើវាលស្រែ
ឆ្វែលលម្ហែរួចចុះចឹកគ្រាប់ស្រូវ
រទេះគោបញ្ឈរលើដងផ្លូវ

ដល់ពេលល្ងាចនឹងត្រូវដឹកកណ្ដាប់។

Wednesday, November 21, 2012

មិនជឿ ក៏ហី!


ឃើញក្មេងរាវលាសលើភ្នំឈើកាច់
រួចចុះដកច្រាច់ទន្លេអ្នកលឿង
លើដងផ្លូវជាតិកប៉ាល់រត់កឿង
ក្របីស្បែកលឿងប្រសាចកៀងមេ។

អ្នកបើករថយន្ដស្រវឹងធ្លាក់ភ្នែក
ជ្រុលចូលក្នុងព្រែកបុករថភ្លើងគេ
ចំណែកអ្នកជិះគ្មានរបួសទេ
លិចទឹកទន្លេហើយស្លាប់ទាំងអស់។

ស្រាប់តែយន្ដហោះបោះពួយលឿនស្លៅ
ទៅបុកគ្នាឆៅជាមួយរថក្រោះ
ផ្អើលអស់អ្នកស្រុកជិតស្ពានព្រៃប្រស់
អត់មានអ្វីសោះគឺឆេះគ្មានសល់។

តៃកុងតាក់ស៊ីប៉ោយប៉ែតភ្នំពេញ
មួយថ្ងៃវិលវិញដប់ជើងមិនខ្វល់
ឯល្បឿនដែលរត់នៅលើផ្លូវថ្នល់

កុងទ័រមិនដល់ ២៥០ ទេ។

ប្រមូលផល


Thursday, November 15, 2012

កក្ដិកដល់


កត្ដិកដើមខែខ្យល់ប្រែពីជើង
នៅស្រុកភូមិយើងស្រូវទុំទោរទន់
ច្រូតកាត់បណ្ដើរបោកបែនបញ្ជាន់
កើបរោយរួសរាន់ឲ្យទាន់រំហើយ។

កក្ដិកស្រូវស្រាលទុំច្រាលក្នុងស្រែ
ស្រូវធ្ងន់ដាក់ផ្លែចុងខែនេះហើយ
ខែក្រោយមិនដល់ទុំគ្មានសល់ឡើយ
ចាបច្រៀងឆ្លងឆ្លើយចចឹកគ្រាប់ស្រូវ។

កក្ដិកក្នុងវត្តឮមាត់អ៊ូអែរ
ក្មេងចាស់ហូរហែរតាមដោយដងផ្លូវ
បុណ្យកឋិនទានរៀងរាល់រដូវ

អ្នកខ្លះទូលស្រូវទៅដាល់អំបុក។

ភ្លៀងចុងឆ្នាំ


កត្ដិកដើមខែខ្យល់ប្រែពីជើង
នៅស្រុកភូមិយើងស្រូវទុំទោរទន់
ច្រូតកាត់បណ្ដើរបោកបែនបញ្ជាន់
កើបរោយរួសរាន់ឲ្យទាន់រំហើយ។

កក្ដិកស្រូវស្រាលទុំច្រាលក្នុងស្រែ
ស្រូវធ្ងន់ដាក់ផ្លែចុងខែនេះហើយ
ខែក្រោយមិនដល់ទុំគ្មានសល់ឡើយ
ចាបច្រៀងឆ្លងឆ្លើយចចឹកគ្រាប់ស្រូវ។

កក្ដិកក្នុងវត្តឮមាត់អ៊ូអែរ
ក្មេងចាស់ហូរហែរតាមដោយដងផ្លូវ
បុណ្យកឋិនទានរៀងរាល់រដូវ

អ្នកខ្លះទូលស្រូវទៅដាល់អំបុក។

Thursday, November 8, 2012

កឋិនវត្តខ្ញុំ


ដល់ថ្ងៃកឋិនមិនបានទៅស្រុក
ប្រាកដក្ដីសុខជួបញាតិគ្រប់គ្នា
ព្រោះជាប់ភារកិច្ចនៅព្រះវិហារ
អស់ច្រើនទិវាមិនបានវិលវិញ។

ពុទ្ធបរិស័ទចំណុះជើងវត្ត
ស្រុះស្រួលគត់មត់ចំណាយលុយទិញ
គ្រឿងត្រៃចីវររណ្ដាប់ម្តេចម៉ិញ
ឲ្យបានពេលលេញទៅតាមទម្លាប់។

ឆ្នាំទៅវត្តយើងអ្នកធំហែរចូល
បច្ច័យប្រមូលសន្ធឹកសន្ធាប់
ឆ្នាំនេះគ្មានអ្នកដង្ហែរមកភ្ជាប់
និស្ស័យឲ្យជាប់យកអានិសង្ឃ។

...ពីក្មេងទៅបុណ្យជាមួយពុកម៉ែ
កឋិនស្រុកស្រែត្រឹមតែជិះកង់
គ្មានម៉ូតូឡានហំហានតម្រង់
ផ្លូវក៏មិនត្រង់ក្ងិងក្ងង់បែនបត់។

យកគោក្របីមកជិះប្រណាំង
អ្នកណាដែលខ្លាំងបានឈ្នះប្រាកដ
ទទួលរង្វាន់មិនដែលឲ្យអត់
រង្វាន់មិនខ្សត់ត្រឹមនំបញ្ចុក។

ដុតគោមបង្ហោះសក្បុសពេញមេឃ
ទិដ្ឋភាពល្អពេកប្លែកភ្នែកអ្នកស្រុក
មានល្ខោនរបាំឆៃយ៉ាំចាក់ត្លុក

បំបាត់អផ្សុកក្មេងចាស់ប្រុសស្រី។

ជាប់ទងរហូត