Friday, October 26, 2012

ឫស្សី


ឫស្សីឪដាំតាមរបង
ច្រើនឆ្នាំកន្លងលូតលាស់ធំ
ច្រូងច្រាងខ្ពស់ទាបរីកបែកគុម្ព
ស្អេកស្កះជិតជុំគេហដ្ឋាន។

ឫស្សីជួយបាំងទប់ទល់ខ្យល់
បន្ថយកង្វល់ទាំងប៉ុន្មាន
វេលាខ្យល់ខ្លាំងបក់រុញច្រាន
គឺបានឫស្សីរាំងរក្សា។

ឫស្សីដើមចាស់កាប់មកច្នៃ
ប្រើប្រាស់រាល់ថ្ងៃតាមត្រូវការ
ជីវភាពជនបទស្រែចំការ
នៃជនខេមរាទាំងប្រុសស្រី។

ឫស្សីទំពាំងដុះចេញមក
កាច់យកមកចិតស្លបង់ត្រី
ផ្សែផ្សំបន្សាបបន្លែខ្ចី
រសគ្មានទាស់អ្វីឆីគ្មានសល់។

ឫស្សីដាំឆ្ងាយភ្លឺស្រែផ្លូវ
និងដំណាំស្រូវឬផ្លូវថ្នល់
ឫសបន្លាវានាំកង្វល់

ឲ្យយើងខ្វាយខ្ចល់មុតរាល់ថ្ងៃ។

No comments:

Post a Comment