Monday, October 22, 2012

នាពេលសាយ័ណ្ហ


សាយ័ណ្ហទន់ទាបថ្ងៃរៀបលិច
ចែងចាំងរំលេចមេឃប្រឿងៗ
ពពកលាយពណ៌ដ៏រុងរឿង
ក្រហមមាសលឿងល្អឆ្អិនឆ្អៅ។

ពេលបាននែបនិត្យចិត្តធូរស្បើយ
អារម្មណ៍ល្ហែល្ហើយអស់ហ្មងសៅ
នឹកឃើញគ្រានោះស្រស់ឆោមឆ្លៅ
អង្គុយលើស្មៅកើយភ្លៅបង។

រៀបរាប់រ៉ាយរ៉ាប់ស័ព្ទស្នេហា
ផ្អែមល្ហែមវាចាណានួនល្អង
រមូររមូលផ្តួលផ្តោះផ្តង
ឆ្លៀតឆ្លាស់ឆ្លើយឆ្លងពាក្យបងអូន។

រហូតយប់យន់ទន់ត្រជាក់
សន្សើមផ្ដើមធ្លាក់រាត្រីសូន្យ
ចន្រ្ទមូលក្រឡង់ដូចភក្រ្តអូន
តារារាប់ផ្លូនចេញរស្មី។

No comments:

Post a Comment