Sunday, October 28, 2012

បុស្បូវ


ផ្ទាំងថ្មតូចធំ រាត់រាយជិតជុំ ជំរំព្រឹក្សា
គង្គាត្រជាក់ ហូរធ្លាក់ទឹកថ្លា គយគន់ទស្សនា
ចិន្ដាប្រពៃ។

ទឹកជ្រោះបុស្បូវ ហូរធ្លាក់ដោយផ្លូវ ត្រជាក់ពេកក្រៃ
ដុងដែនគីរី ជាប់ព្រំដែនថៃ បានឃើញមួយថ្ងៃ
ស្រមៃមួយឆ្នាំ។

គង្គាថ្លាឈ្វេង នាំគ្នាងូតលេង គេងបណ្ដែតត្រាំ
អាហារចំណី មានឆីប្រចាំ រៀងរាល់ខែឆ្នាំ
ប្រចាំរដូវ។

ភ្នំជាប់ជួនគ្នា ភ្នំព្រះវិហារ តាថាវបុស្បូវ
តាសឹមភ្នំទ្យព្យ ជាប់ហែរដងផ្លូវ វាលឥន្ទ្រីយ៍ត្រូវ

នៅក្នុងដីខ្មែរ។

No comments:

Post a Comment