Tuesday, September 11, 2012

ភ្លៀង.....


ភ្លៀង ពេលរសៀលវាលល្ហល្ហាច                      
ភ្លៀង ដូចបាចសាចប្រោះព្រំលោក
ភ្លៀង ស្រោចដំណាំឲ្យជាំជោក            
ភ្លៀង លិចដីគោកដែលហួតហែង។

ភ្លៀង ទឹកដាក់ស្រែម៉ែពុកអរ                
ភ្លៀង ធ្លាក់បន្តគ្រប់កន្លែង
ភ្លៀង ឲ្យសន្ទូងគុម្ពបែកបែង                            
ភ្លៀង ដូចសម្ដែងនាគរាជឫទ្ធិ។

ភ្លៀង អើយប្រមើលមើលឲ្យច្បាស់                   
ភ្លៀង កុំផ្ដេសផ្តាស់កើតភ័យភិត
ភ្លៀង តំបន់ណាដែលរាំងពិត               
ភ្លៀង គួរតែគិតចិត្តអ្នកស្រុក។

ភ្លៀង ធ្លាក់ឲ្យល្មមសមគ្រប់គ្រាន់                      
ភ្លៀង កុំបន្ទាន់ជន់សម្រុក
ភ្លៀង អើយត្រូវទៀងអ្នកស្រែសុខ
ភ្លៀង កាចអ្នកស្រុកទុក្ខរាល់ឆ្នាំ។

ភ្លៀង ថ្ងៃរៀបលិចធ្មេចភ្នែកនឹក            
ភ្លៀង ធ្លាក់គគ្រឹកនឹកបណ្តាំ
ភ្លៀង លាន់ឮសូរដូចពុកផ្តាំ                              

ភ្លៀង លិចដំណាំកូនអើយប្រឹង។

No comments:

Post a Comment