Thursday, August 2, 2012

នាងលក់ចេកចៀន


រលឹមមួយប្រាវសើមខោអាវអស់
ចូលគ្រប់កន្លោះកន្លុកកន្លៀត
រមាស់ឆៀបៗកន្លែងចង្អៀត
ដល់ផ្ទះនឹងឆ្លៀតពិនិត្យមើលសិន។

ឈប់ជ្រកនៅរោងដំឡូងចៀកចេន
ស្រក់ទឹកមាត់ឃ្លានម្សមអាំងទើបឆ្អិន
អ្នកលក់សាច់សទំនងកាត់ចិន
ស្រីប្រសព្វប៉ិនរួសរាយរាក់ទាក់។

ខ្ញុំហៅឲ្យនាងខ្ចប់ចំណីនំ
ពេញមួយថង់ធំដើម្បីទំនាក់
ទំនងស្គាល់គ្នាឲ្យបានជាក់រាក់
មិនមែនចង់ទាក់ទាញអូសក្រឡា។

ពេលទទួលលុយទឹកមុខញញឹម
ភ្នែកបើកពព្រឹមពោលតបស្ដីថា
«អរគុណ»លោកពូយ៉ាងស្រាលវាចា
ពូកុំភ្លេចណាថ្ងៃក្រោយជយយទិញ។

យូរក្រែលដែររាងសើ្បយគ្រាប់ភ្លៀង
ខ្ញុំក៏លានាងទាំងចិត្តទន្ទេញ
ដំណើរត្រឡប់មកតាខ្មៅវិញ

ចិន្ដាពោរពេញដោយក្ដីសោមនស្ស។

No comments:

Post a Comment