Wednesday, August 22, 2012

ផឹកឈ្លោះ!!!

រសៀលជ្រៀងជ្រេទេរទន់ទាប
លលកនិងព្រាបរៀបចំប្រាណ
ទៅទិញសាច់ក្លែមថែមពីរចាន
ស្រាសមួយកានបានគ្រប់គ្រាន់។

ទាកាបស្រែកកាកផ្អាកការងារ
ប្រកូកហៅគ្នាទាំងទាមាន់
ប្រញ៉េបប្រញ៉ាប់ឆាប់រួសរាន់
រហន់ឲ្យទាន់គេផឹកស៊ី។

ឆ្មារឈ្មោលស្រែកម៉ែវស្លេវលឿនស្លៅ
មកវើយ!សំដៅទៅពិធី
មីញីស្រីស្នេហ៍ឆ្កែអាគី
នាំកូនទាំងពីរស៊ីចាក់ច្រាស់។

អាជ្រូកកន្ធាត់មាត់កំប៉ោង
ប្រយិតប្រតោងលោងតេះតះ
ស្រែកបន្ទរហៅឮខ្លាំងណាស់
ឲ្យមេគោចាស់ប្រះទៅដែរ។

ដល់ពេលស្រវ៉ឹងដឹងយ៉ាងណា
អាខ្លះឡូឡាស្រែកឡែៗ
អាឈ្មោលដៀមដាមឌឺដងញ៉ែ

ឪអើយអើយម៉ែមានរឿងហើយ។

No comments:

Post a Comment