Monday, July 30, 2012

ទំពាំងនិងឃ្លោក


ទំពាំងក្បែរឃ្លោក សម្បូរគគោក ដាក់លក់តាំងនៅ
អ្នកទិញហូរហែរ ទាំងមកទាំងទៅ ទំពាំងអត់ល្ពៅ
ផ្លូវជាតិលេខបួន។

ឃ្លោកដាក់ទំពាំង ដើម្បីរារាំង បិទបាំងបំពួន
កុំឲ្យដីហុយ រុយរោមជាប់ជួន រក្សាថែថួន
អនាម័យល្អ។

ទំពាំងក្នុងឃ្លោក មានទឹកមានគោក លាយអំបិលស្ករ
មើមខ្ទឹមគ្រឿងទេស រសជាតិបវរ ញ៉ាំជ្រក់ឬស្ល
ក៏មិនទាស់ខុស។

ទំពាំងឆ្ងាយឃ្លោក គេដាក់បំពោក ចងព្យួរដូច្នោះ
រៀបវាជាថ្នាក់ លំដាប់ឡើងចុះ ដំណើរស្រីប្រុស
មិនសូវខកខាន។

ទំពាំងគគោក បើមិនដាក់ឃ្លោក ច្រកកែវជ័របាន
គិតជាទម្ងន់ ថ្លឹងថ្លែងប៉ាន់ស្មាន ស្រួលអ្នកឈប់ឡាន

ទិញបានតាមចិត្ត។

No comments:

Post a Comment