Monday, July 30, 2012

មូសខាំចាំស្នេហ៍


ព្រលប់ងងិតខិតមកដល់
សសៀរអែបថ្នល់ដល់ផ្ទះស្រី
អង្គុយសម្ងំគុម្ពឫស្សី
យប់ម៉ោងប្រាំបីចាំស្រីចុះ។

ធុញថប់ក្នុងចិត្តត្បិតយប់ជ្រៅ
ដំឡូងអំពៅនៅក្បែរនោះ
សុចខ្មុលចង្រិតសត្វក្អាតមូស
នាំគ្នាហើរស្ទុះមកខាំខ្ញុំ។

ស្នូរទ្វារបើកក្រាកស្រាកគំនិត
ស្រមោលមកជិតពិតជាមុំ
ចូលមកនួនល្អងឲ្យបងសុំ
ចាប់កាន់ដៃមុំពេលរាត្រី។

ស្រាប់តែឮសូរមាត់ម្ដាយអូន
ដង្ហោយរកកូនចុះមកដី
ឆាប់ឡើងមកលើមើល៍កូនស្រី
ចុះទៅធ្វើអីព្រៃក្រោយហ្នឹង។

ឮសម្លេងហៅពៅក៏លា
រួចហើយស្ទុះស្ទាចូលក្នុងវឹង
បងនៅម្នាក់ឯងសម្ងំឈឹង
ក្រែងលោព្រលឹងនឹងវិលវិញ។

យប់កាន់តែស្ងាត់បាត់នួនល្អង
ធ្វើឲ្យរូបបងហ្មងទោម្នេញ
មូសវាបឺតខាំជាំជុំវិញ

តែចិត្តទន្ទេញពេញសង្ឃឹម៕

No comments:

Post a Comment