Saturday, July 14, 2012

ពូយឺត មីងយារ


ស្រណោះផ្គរលាន់ល្ងាចថ្ងៃសៅរ៍
ពពកបាំងក្តៅពីមេឃា
ថ្លែងពីពូយឹតនិងមីងយារ
គាត់ប្រកែកគ្នារឿងស្លក្តាម។

ពូយឹតថាឯងមិនចេះស្ល
ស្លក្តាមស្រម៉វាស្រង៉ាម
បើសិនក្តាមថ្មមានខ្លាញ់ក្រាម
ស៊ីច្រើនរិតញ៉ាមម៉េចមិនស្ល។

មីងយារថាចឹងពូជគាត់ឯង
តែងអួតក្តែងៗរឿងសម្ល
ប៉ុន្មានលើកហើយឲ្យគាត់ស្ល
ក្តាមគ្រោងក្តាមថ្មស៊ីមិនបាន។

ពូយឹតថាអញមានតំណម
បើស្លបង់ម្អមធ្វើទុក្ខប្រាណ
ប្រាប់ហើយប្រាប់ទៀតស្តាប់មិនបាន
ចង់លើកឆ្នាំងចានជះចូលទឹក។

ប្រកែកចុះឡើងគ្មានអ្នកឃាត់
ស្រាប់តែឮមាត់សើចសន្ធឹក
យប់ឡើងដេកឱបគ្នាទើសព្រឹក

ស្អែកឡើងរឭកធ្វើធម្មតា។

No comments:

Post a Comment