Monday, July 30, 2012

ចាំសុំសំបក



បើសិនតាមទាន់ អាចោរលួចមាន់ នៅខ្ទមអ្នកតា
ច្បាស់ជាដឹងដៃ ហើយណាអាវ៉ា ចិត្តធំម្លេះណា
លួចមាន់ស្ងោរទៅ។

អ្នកស្រុកគេសែន ទុកជាសំណែន ខ្ទមក្បែរលំនៅ
ធូបទៀននៅឆេះ ភ្លើងក្រហមងៅ អាចោរលួចទៅ
នៅសល់តែថាស។

ឯងមិនដឹងថា គឺយើងនេះណា ចាត់ទុកជាម្ចាស់
សំកុកក្រោយខ្ទម រុយរោមខ្លាំងណាស់ ងុយពេកក៏ប្រះ
ដេកទាល់តែខក។

ចាំធូបរលត់ គោរពគត់មត់ លុតសុំសំបក
ស្រាសផ្លែឈើ រើដាក់កន្ត្រក ដឹងអីចោរច្រក
ស៊ីដាច់មុនអស់៕

No comments:

Post a Comment