Wednesday, July 11, 2012

រលឹម

រលឹមសស្រិចមិនដាច់សូរ
រលឹមអត់ស្នូរផ្គររន្ទះ
រលឹមស្ងប់ស្ងាត់បាត់ផ្កាយរះ
រលឹមរលះជ្រះលម្អង។

រលឹមសស្រិចលិចដំបូល
រលឹមស្រក់ចូលដល់រនង
រលឹមទឹកទរហូរសើមខ្នង
រលឹមរូបបងប៉ងរឭក។

រលឹមគ្រាមួយភួយពីរនាក់
រលឹមត្រជាក់ស្ម័គ្រលុះព្រឹក
រលឹមកក់ក្តៅហៅរកនឹក
រលឹមរឭកនឹកគ្រាដើម។

រលឹមរំលេចស្រិចៗស្រក់
រលឹមតក់ៗហាក់ចាប់ផ្តើម
រលឹមរលុបស្អប់គ្រាដើម
រលឹមបន្សើមផ្តើមរឿងថ្មី។

No comments:

Post a Comment