Monday, June 25, 2012

ច្រមុះ និងភ្នែក

គ្រាមួយច្រមុះទាស់និងភ្នែក
កើតរឿងជជែកព្រោះនិន្ទា
លើកគុណសម្បត្តិរៀងៗគ្នា
អំពីការងារវារាល់ថ្ងៃ។

ចាប់តាំងពីពេលក្រោកដំណេក
ភារកិច្ចញឹកស្អេកច្រើនក្រាស់ក្រៃ
មិនថាព្រលប់យប់ឬថ្ងៃ
បើកគ្មានសំចៃជាប់ជានិច្ច

ខិតខំសម្លឹងប្រឹងឃ្មាតខ្មី
កុំឲ្យមានអ្វីមកទង្គិច
សម្រាមសត្វចូលត្រឹមមិចៗ
អត់ហ៊ានទាំងធ្មេចខ្លាចកុនការ

ពេលឮដូច្នោះច្រមុះស្តី
រស់ដោយសារអ្វីមួយអាត្មា
ដង្ហើមចេញចូលមូលសង្ខារ
គឺអញនេះណាអ្នករ៉ាប់រង។

ក្លិនឆ្អេះឆ្អាបស្ងុយឈ្ងុយក្រអូប
ខំស្រូបបញ្ចេញធ្វើទំនង
ខ្លាចក្រែងទុក្ខទោសកំហុសឆ្គង
នាំជីវិតរងក្ដីអន្តរាយ។

បើសិនភ្នែងឯងបែងមិនច្បាស់
រូបខ្ញុំពិតណាស់អ្នកខ្វល់ខ្វាយ
ទ្រវ៉ែនតាឯងទៅជិតឆ្ងាយ

ទ្រុតសាច់ស្ទើរក្លាយជាដំបៅ។

No comments:

Post a Comment